Mas Abot Kamay na Gamutan Para sa MDR-TB

Ang sakit na Drug-resistant TB (DR-TB) ay sanhi ng bakterya ng TB na hindi na tinatalaban ng mga pangunahing gamot laban sa TB. Isang uri nito ay ang tinatawag na Multidrug-resistant TB (MDR-TB) kung saan ang dalawang pinaka-epektibong gamot sa TB, ang Isoniazid at Rifampicin, ay hindi na tumatalab pa. Dahil dito, ang gamutan na karaniwang aabot lamang ng anim na buwan ay nagiging labingwalong (18) buwan o higit pa at gagamit ng mas maraming uri ng gamot na maaaring may hindi kanais-nais na epekto sa katawan. Nangangailangan ito ng espesyal na paraan ng pasusuri sa plema at pili lang ang mga pasilidad na may kakayahan na magbigay ng tama at libreng gamutan.

Nang umpisahan ang programang tutugon sa problema sa MDR-TB noong 2005, kakaunti lamang ang nakakakuha ng mga serbisyo nito kumpara sa bilang ng tinatayang may sakit na MDR-TB nung mga panahon na iyon. Ito ay sa kadahilanang ang mga pasilidad na may kakayahang magbigay ng tamang serbisyo para sa mga may MDR-TB ay nasa Metro Manila lamang. Dahil dito, ang mga may MDR-TB mula sa ibang rehiyon ay kinakailangang huminto sa kanilang kabuhayan, mapalayo sa kanilang pamilya, at sustentuhan ang kanilang paglipat sa Metro Manila sa loob ng dalawang taon para lamang makapagpagamot.

Makalipas ang sampung (10) taon, mas abot kamay na ang gamutan para sa DR-TB. Sa pangangasiwa ng National TB Control Program (NTP) ng Department of Health (DOH), maaari nang magpakonsulta at magpagamot ang pasyenteng may DR-TB sa pinakamalapit na PMDT Facility sa kanilang lugar. Tingnan sa ibaba ang kumpletong listahan ng mga PMDT facility sa bawat rehiyon.

Metro Manila

Region 1

Region 2

Region 3